Metro price hike : ಮೆಟ್ರೋ ದರ ಏರಿಕೆ! ಎಷ್ಟು ಬೀಳುತ್ತೆ ಜೇಬಿಗೆ ಕತ್ತರಿ?

Metro price hike ಬೆಂಗಳೂರಿನ ಟ್ರಾಫಿಕ್ ಕಿರಿಕಿರಿಯಿಂದ ಪಾರಾಗಲು ‘ನಮ್ಮ ಮೆಟ್ರೋ’ ನಮಗೆ ದೊಡ್ಡ ಆಸರೆ. ಆದರೆ, ಈಗ ಮೆಟ್ರೋ ಪ್ರಯಾಣ ಕೂಡ ಸ್ವಲ್ಪ ದುಬಾರಿಯಾಗುತ್ತಿದೆ.

ಬಿಎಂಆರ್‌ಸಿಎಲ್ (BMRCL) ಫೆಬ್ರವರಿ 9, 2026 ರಿಂದ ಜಾರಿಗೆ ಬರುವಂತೆ ಮೆಟ್ರೋ ದರಗಳನ್ನು ಏರಿಕೆ ಮಾಡಿದೆ..ಇದರ ಬಗ್ಗೆ ಸಂಪೂರ್ಣ ಮಾಹಿತಿ ಮತ್ತು ಪ್ರಯಾಣಿಕರ ಮೇಲೆ ಇದರ ಪರಿಣಾಮದ ಕುರಿತಾದ ವಿಶೇಷ ಲೇಖನ ಇಲ್ಲಿದೆ.

ಇದನ್ನೂ ಓದಿ: Rain alert : ಬೆಂಗಳೂರು ಮತ್ತು ಕೆಲ ಜಿಲ್ಲೆಗಳಿಗೆ ಮಳೆ ಸಾಧ್ಯತೆ. ಇಲಾಖೆ ಸೂಚನೆ.

Metro price hike ನಮ್ಮ ಮೆಟ್ರೋ ದರ ಏರಿಕೆ: ನಿಮ್ಮ ಜೇಬಿಗೆ ಎಷ್ಟು ಹೊರೆ?

ಸಾಮಾನ್ಯವಾಗಿ ಬೆಲೆ ಏರಿಕೆ ಎಂದರೆ ಎಲ್ಲರಿಗೂ ಆತಂಕವಾಗುವುದು ಸಹಜ. ಈ ಬಾರಿ ಮೆಟ್ರೋ ದರದಲ್ಲಿ ಸುಮಾರು ಶೇ. 5ರಷ್ಟು ಹೆಚ್ಚಳ ಮಾಡಲಾಗಿದೆ.

ಇದು ದೊಡ್ಡ ಮೊತ್ತದಂತೆ ಕಾಣದಿದ್ದರೂ, ಪ್ರತಿದಿನ ಪ್ರಯಾಣಿಸುವವರಿಗೆ ತಿಂಗಳ ಕೊನೆಯಲ್ಲಿ ಲೆಕ್ಕ ಹಾಕಿದಾಗ ವ್ಯತ್ಯಾಸ ತಿಳಿಯುತ್ತದೆ.

ಎಷ್ಟು ಹೆಚ್ಚಳವಾಗಿದೆ? (ಹೊಸ ದರ ಪಟ್ಟಿ)

ಈ ಹೆಚ್ಚಳವು ನೀವು ಪ್ರಯಾಣಿಸುವ ದೂರದ ಆಧಾರದ ಮೇಲೆ ₹1 ರಿಂದ ₹5 ರವರೆಗೆ ಇರುತ್ತದೆ. ಮುಖ್ಯವಾದ ಬದಲಾವಣೆಗಳು ಇಲ್ಲಿವೆ:

• ಕನಿಷ್ಠ ದರ: ₹10 ರಿಂದ ₹11 ಕ್ಕೆ ಏರಿದೆ.
• ಗರಿಷ್ಠ ದರ: ₹90 ರಿಂದ ₹95 ಕ್ಕೆ ಏರಿದೆ.

ಏರಿಕೆ ಯಾಕೆ?

ಬಿಎಂಆರ್‌ಸಿಎಲ್ ಸಮರ್ಥನೆ ಮೆಟ್ರೋ ಸಂಸ್ಥೆಯ ಪ್ರಕಾರ, ಕಳೆದ ಏಳು ವರ್ಷಗಳಿಂದ ದರ ಏರಿಕೆ ಮಾಡಿರಲಿಲ್ಲ. ಆದರೆ ಈಗ ವಿದ್ಯುತ್ ದರ ಹೆಚ್ಚಳ, ಸಿಬ್ಬಂದಿಗಳ ಸಂಬಳ ಮತ್ತು ಮೆಟ್ರೋ ನಿರ್ವಹಣಾ ವೆಚ್ಚಗಳು ಏರಿರುವುದರಿಂದ ಈ ನಿರ್ಧಾರ ಅನಿವಾರ್ಯವಾಗಿದೆ.

‘ದರ ನಿಗದಿ ಸಮಿತಿ’ (FFC) ಶಿಫಾರಸ್ಸಿನಂತೆ ಪ್ರತಿ ವರ್ಷ ಸ್ವಲ್ಪ ಮಟ್ಟಿಗೆ ದರ ಏರಿಕೆ ಮಾಡುವ “ಸ್ವಯಂಚಾಲಿತ ಸೂತ್ರ”ವನ್ನು ಈಗ ಅನುಸರಿಸಲಾಗುತ್ತಿದೆ.

ಪ್ರಯಾಣಿಕರ ಅಳಲು ಮತ್ತು ರಾಜಕೀಯ ಕಿತ್ತಾಟ
ಈಗಾಗಲೇ ಬೆಂಗಳೂರು ಮೆಟ್ರೋ ದೇಶದಲ್ಲೇ ಅತ್ಯಂತ ದುಬಾರಿ ಮೆಟ್ರೋಗಳಲ್ಲಿ ಒಂದಾಗಿದೆ ಎಂಬ ಮಾತಿದೆ. ಇದರ ನಡುವೆ ದರ ಏರಿಕೆ ಮಾಡಿರುವುದು ಜನಸಾಮಾನ್ಯರಿಗೆ ಅಸಮಾಧಾನ ತಂದಿದೆ.

• ಸಂಸದ ತೇಜಸ್ವಿ ಸೂರ್ಯ ಅವರು ಈ ಏರಿಕೆಯನ್ನು “ಅವೈಜ್ಞಾನಿಕ” ಎಂದು ಕರೆದಿದ್ದಾರೆ ಮತ್ತು ದರ ಏರಿಕೆಯನ್ನು ಹಿಂಪಡೆಯುವಂತೆ ಒತ್ತಾಯಿಸಿ ಪ್ರತಿಭಟನೆಯ ಎಚ್ಚರಿಕೆ ನೀಡಿದ್ದಾರೆ.

• ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಯಾಣಿಕರು, “ಟ್ರಾಫಿಕ್ ತಪ್ಪಿಸಲು ಮೆಟ್ರೋ ಹತ್ತಿದರೆ, ಇಲ್ಲಿ ಹಣದ ಟ್ರಾಫಿಕ್ ಶುರುವಾಗಿದೆ” ಎಂದು ವ್ಯಂಗ್ಯವಾಡುತ್ತಿದ್ದಾರೆ.

ರಿಯಾಯಿತಿಗಳು ಮುಂದುವರಿಯಲಿವೆ!

1 ಸ್ಮಾರ್ಟ್ ಕಾರ್ಡ್ ಮತ್ತು NCMC ಕಾರ್ಡ್ ಬಳಸುವವರಿಗೆ ಸಿಗುವ ಶೇ. 5 ರಷ್ಟು ರಿಯಾಯಿತಿ ಮುಂದುವರಿಯಲಿದೆ.

2 ಪೀಕ್ ಅವರ್ ಅಲ್ಲದ ಸಮಯದಲ್ಲಿ (Non-peak hours) ಪ್ರಯಾಣಿಸುವವರಿಗೆ ಸಿಗುವ ಶೇ. 10 ರಷ್ಟು ರಿಯಾಯಿತಿಯಲ್ಲೂ ಬದಲಾವಣೆ ಇಲ್ಲ.

ಒಟ್ಟಿನಲ್ಲಿ, ಫೆಬ್ರವರಿ 9 ರಿಂದ ಮೆಟ್ರೋ ಹತ್ತುವಾಗ ನಿಮ್ಮ ಕಾರ್ಡ್‌ನಲ್ಲಿ ಅಥವಾ ವ್ಯಾಲೆಟ್‌ನಲ್ಲಿ ಸ್ವಲ್ಪ ಜಾಸ್ತಿ ಹಣ ಇರಲಿ!

ಕರ್ನಾಟಕ ಹೊಸ ಪಡಿತರ ಚೀಟಿ (Ration Card) ಅರ್ಜಿ 2026: